eja

Si e dini se Jezusi ka ekzistuar?

Akoma sot ka shumë njerëz që pretendojnë se Jezusi nuk ka ekzistuar
kurrë ndonjëherë dhe se ai ishte vetëm një person mitik.
        Bertrand Russell1 thotë: “Mund të them se ndokush nuk është i
interesuar për problemin historik. Historikisht është krejt e dyshimtë nëse
Krishti ekzistoi, por edhe nëse jetoi, ne nuk dimë asgjë për të. Prandaj
unë nuk kam përse të jem i interesuar për problemin historik, i cili është
dhe një problem shumë i vështirë. Unë interesohem për Krishtin ashtu
siç ai na shfaqet në Ungjill (Why I am not a Christian, f. 11, shënimi8)

          Sigurisht se ata që bëjnë të tilla akuza nuk janë historianë, por, në
mënyrë krejt të habitshme, injorues të fakteve.
Dhiata e Re përmban njëzet e shtatë dokumente të veçanta që u shkruan
në shekullin e parë pas Krishtit. Këto shkrime përmbajnë historinë e jetës
së Jezusit dhe fillimin e Kishës së krishterë që rreth vitit 4 para Krishtit
deri në dekadën e viteve nëntëdhjetë pas Krishtit.

Faktet u regjistruan nga dëshmitarët që dhanë dëshmi të drejtpërdrejta
për atë që ata kishin parë e dëgjuar. “Atë që ishte nga fillimi, atë që
dëgjuam, atë që pamë me sytë tanë, atë që vështruam dhe që duart tona
prekën lidhur në Fjalën e jetës. ” (1 Gjoni 1:1)
Për më tepër, ekzistenca e Jezusit është regjistruar nga historiani çifut
Flavi Josef, që lindi në vitin 37 pas Krishtit. “Rreth asaj kohe kishte një
njeri të quajtur Jezusi: ishte një burrë i mençur, nëse na lejohej ta quanim
njeri, sepse ai ishte autor i veprave të çuditshme, — mësues për të tillë
burra që e pranojnë të vërtetën me kënaqësi. Ai tërhoqi rreth vetes kaq
shumë çifutë dhe paganë.

       Mos ishte Mesia ai? Edhe kur Pilati, me këshillën e njerëzve kryesorë
midis nesh, e dënoi me kryqëzim, ata që e deshën në fillim nuk e braktisën,
sepse ai iu shfaq atyre i gjallë ditën e tretë, ashtu sikurse profetët hyjnorë
e patën parathënë bashkë me dhjetë mijë gjëra të tjera të çuditshme për
të; edhe soji i të krishterëve, të quajtur kështu prej tij, nuk u shua deri në
ditën e sotme. (Antikitetet, XVIII, III).
Sidoqë ky pasazh ishte kundërshtuar për shkak të referimit të Jezusit
si Krisht dhe si i ngjallur nga vdekja, fakti i ekzistencës së tij nuk vihet në
dyshim.

     Kornel Taciti (112 pas Krishtit) një historian romak, duke shkruar për
mbretërimin e Neronit, përmend Jezu Krishtin dhe ekzistencën e të
krishterëve në Romë (Analet, XV, 44). Taciti, te “Historitë” e tij i referohet
krishterimit, kur aludon për djegien e tempullit të Jeruzalemit në vitin
70 pas Krishtit. Kjo ishte ruajtur nga Sulpici Sever (Kronikat 30:6)
Por ka edhe referime të tjera për Jezusin dhe pasuesit e tij, si ato të
bëra nga historiant romak Seutoni (v. 120 pas Krishtit) te “Jeta e Klaudit”
(V. 112 pas Krishtit) në Letrat e Tij, X, 96.

         Dëshmia e krishterë dhe jo të krishterë është më se e mjaftueshme për
ta lënë mënjanë idenë se Jezusi nuk ekzistoi kurrë. Në dritën e dëshmive,
është e pakuptimtë të mbrosh një ide të tillë. Ne dime më shumë për
jetën e Jezusit se sa thuajse për çdo figurë tjetër të botës së lashtë. Lindja,
jeta dhe vdekja e tij na janë zbuluar me shumë më tepër hollësi se shumica
e figurave të vjetra, ekzistenca e të cilave pranohet pa u diskutuar nga
historianët.
         Pas shqyrtimit të dëshmive për jetën e Krishtit nga burimet bashkë-
kohore, veç Dhiatës së Re, Rodrik Dankerli arriti në përfundimin se “Në
asnjë prej këtyre dëshmive rreth ekzistencës së Krishtit nuk gjendet as
edhe më i vogli aludim apo mendim se ai nuk paskësh qenë një person i
vërtetë dhe historik.
Natyrisht është arsyetuar — e unë mendoj me shumë vërtetësi — se
teoritë e fillimeve mitike të krishterimit janë hipoteza spekulative
moderne të motivuara nga paragjykimi i paarsyeshëm dhe mospëlqimi.
Kurrë ndonjëherë dikujt nuk do t’i shkonte në mendje — thotë
Merezhovskij — të pyeste nëse kishte jetuar Jezusi, nëse më parë, mendja
e tij të mos ishte errësuar nga dëshira që ai të mos kishte jetuar”. (Roderik
Dunkerli; “Beyond the Gospels” f. 29–30). 

Marre nga libri "Pergjigje dhe Argumenta" te Xhosh Mekdouell 

Çfarë është Trinia? A adhurojnë të krishterët tre Zota?

Një nga idetë më të keqkuptuara në Bibël ka të bëjë me mësimin e
Trinisë. Edhe pse të krishterët thonë se besojnë te një Zot, ata akuzoheshin
vazhdimisht për politeizëm (adhurimin e të paktën tre zotave).

Shkrimet nuk na mësojnë se gjenden tre zota, as na mësojnë që Zoti vë
tri maska të ndryshme ndërkohë që zhvillohet drama e historisë. Ajo që
Bibla na mëson, është shpallur në doktrinën e Trinisë: është një Zot që na
e ka shfaqur veten me tre persona, me Atin, Birin dhe Shpirtin e Shenjtë
dhe këta tre persona janë Zoti i vetëm.

Edhe pse kjo është e vështirë të konceptohet, në thelb mbetet ajo që na
thotë Bibla; kjo është më e sakta që mendja e kufizuar mund të arrijë në
shpjegimin e misterit të pakufishëm të Zotit të pakufishëm, kur merren
parasysh pohimet e Biblës lidhur me qënien e Zotit.
Bibla na mëson se gjendet një Zot dhe vetëm një Zot. “Dëgjo, Izrael,
Perëndia ynë është një i vetëm!” (Ligji i përtërirë 6:4) “Një është Perëndia.
(Timoteut 2:5), “Kështu thotë Zoti, mbreti i Izraelit dhe çliruesi i tij, Zoti
i ushtrive: “Unë jam i pari dhe jam i fundit, dhe përveç meje nuk ka
perëndi tjetër. ” (Isaia, 44:6)
Megjithatë, edhe pse Zoti është një në qenien dhe natyren e Tij, Ai
është, gjithashtu, tre persona. “Ta bëjmë njeriun sipas shëmbëlltyrës sonë.”
(Zanafilla 1:27).
Personaliteti i shumëllojtë i Zotit përmendet këtu tërthorazi, sepse nuk
mund të fliste me engjëjt, sepse engjëjt nuk mund të ndihmonin Zotin
për të krijuar. Bibla na mëson se Jezu Krishti, krijoi gjithçka dhe jo engjëjt,.
(Gjoni 1:3, Kolosianëve 1:15, Hebrenjve 1:2)
Gjitashtu, Shkrimet e shenjta janë krejt të veçanta kur e përmendin
Zotin ne tre persona. Ka një person, të cilin Bibla e quan Atë dhe Ati
është përcaktuar si Zoti Atë. (Galatasve 1:1).
Bibla flet për një person të quajtur Jezus ose Biri ose Fjala, të quajtur
gjithashtu Zot. “dhe Fjala ishte Perëndi” (Gjoni 1:1). Jezusi thoshte se
Perëndia ishte Ati i vet, duke e barazuar veten me Perëndinë. ”(Gjoni 5:18)

Po është edhe një person i tretë i përmendur në Shkrimet që quhet
Shpirti i Shenjtë e ky person, i veçuar nga Ati e Biri, — gjithashtu, quhet
Zot. “Anania, pse Satani ta mbushi zemrën që të gënjesh Frymën e
Shenjtë?… Ti nuk ke gënjyer njerëzit, por Perëndinë. ” (Veprat 5:3)
Faktet e mësimit biblik janë këto: ka një Zot. Ky Zot ka personalitet të
shumëllojtë. Ky Zot quhet Ati, Biri dhe Shpirti i Shenjtë, që të gjithë
personalitete të shquara, të gjithë të quajtur Zot. Që këtej ne shkojmë
drejt përfundimit se Ati, Biri dhe Shpirti i Shenjtë janë një Zot, doktrina e
Trinisë.

Doktor John Warwick Montgomery jep këtë ngjashmëri për të na
ndihmuar që ta kuptojmë më mirë këtë doktrinë:

Doktrina e Trinisë nuk është “iracionale”; ajo që është iracionale është ta
shtypësh forcërisht dëshminë biblike të Trinisë në favor të unitetit ose
dëshminë për unitet në favor të Trinisë. Të dhënat tona duhet të marrin
përparësi mbi modelet tona ose e thënë më mirë, modelet tona duhet, në
mënyrë të ndjeshme të pasqyrojnë të gjitha të dhënat.
Një ngjasim i afërt me procedurën teologjike është puna e fizikantit teorik:
realitetet subatomikë janë zbuluar gjatë ekzaminimit, për të zotëruar vetitë e
valëve. (W), cilësitë e pjesëzës (P) dhe veçoritë e Kuantit (h).
Sidoqë këto veçori në shumë drejtime janë të papajtueshme (pjesëzat nuk
shpërbëhen ndërkohë që valët shpërbëhen etj.), fizikantët “shpjegojnë” ose
“modelojnë” një elektron PWh. Ata duhet ta bëjnë këtë me qëllim që t’u japin
peshën e duhur të gjitha të dhënave përkatëse.
Njësoj, teologu që flet për Zotin si “tre në një”. As shkencëtari, as teologu
nuk shpresojnë që ju të keni një “pikturë” nëpërmjet modelit të tij; qëllimi i
modelit është t’ju ndihmojë të merrni parasysh të gjitha faktet, në vend të
realitetit të shprishur me anën e mbivendosjes së një “qëndrueshmërie” të
qartë mbi të.
Zgjedhja është e qartë; ose Trinia ose një “Zot” që është një imitim i zbehtë
i Perëndisë së krishterimit biblik dhe të besuar (How do we know there is a
God? f. 14, 15).

Marre nga "Pergjigje dhe argumente" te Xhosh Mekdouell

Pergjigje dhe argumente nga Xhosh Mekdouell

Nje liber qe merret katërcipërisht me çështje të mprehta në kufirin ndërmjet besimit e mosbesimit te krishtere.

Kliko     ne format .pdf (460 kb).

 http://www.josh.org/translations/Albanian/Albanian%20Answers%20Reasons/9answers.pdf